المشاركة الأصلية كتبت بواسطة أنفاس الورد أسعد الله مساك استاذنا وشكراًلك على حضورك وروعة ثنائك ممنونة كثير إن شاء الله نُكمل بعد رمضان المبارك () ، تحية طيبه وتقدير

(3)

ثالث يوم العيد الظهر

أجتمع عدد من الأقراب والأصدقاء ف بيت أبو أحمد
رجال ونساء وكانت أم أحمد وبناتها على أتم الإستعداد
لإستقبال الضيوف،

كانت مرام لابسه فستان شانيل ناعم لونه بيج
و مشجر بلون فاتح ورود صغيره أورنجيه
و فوقه بوليرو جينز سماوي كم طويل
ولابسه بوت لونه بيج غامق ،
ولافه شعرها للأعلى بشباصه ومنزله غرتها على اليمين
والميك أب كان ناعم كمان
فونديشن خفيف وماسكار وبلاشر بلون الخوخ
والروج بلون البني الفاتح مغطى بقلوس


جاؤا البنات واستضافتهم مرام وسهام ف زاويا ثانيه عن الحريم
كانت مرام فاااتنه
شاده انتباه الجميع بجمالها ونعومتها.

جلسوا البنات كل وحده أخذت لها مكان

مشاعل وهديل جالسين على جنب وفحالهم
طول الوقت يكلموا بعض بصوت راخي.

كانت مشاعل لابسه بلوزه رفل بيضا وبنطلون جينز أسود
وشعرها كثيف وكيرلي
وحاطه ميك أب ثقيل وعدسات زرقا
مشاعل وهي تمضغ العلكه بهدوء : ياالله يا هديل
شوفي كيف بيتهم يجنن
هديل والي كانت لابسه بلوزه ناعمه وتنوره طويله
وماهي حاطه الا روج فوشي : أووص لاتفضحينا.

كانت كل سوالف بنات الاعمام وسهام عن
الموضه والمولات،

مرام وناهد جالسين جنب بعض يتضاحكون ويسولفون
تاركين سوالف الموضه ،

نظرت مرام ل ناهد والي كانت منزله غرتها القصيره على كامل جبهتها
وسادله شعرها القصير على اكتافها ولابسه فستان كحلي طويل
مع جاكيت لونه ابيض عاجي وحاطه روج فوشي وكحل خفيف
مرام : طالعه قمر ي بنت
.. اسم الله عليك مره محليك العيد

ناهد بضحكه : أما عاد .. عيونك الحلوه
مرام : ي بنت لو يشوفك أحمد يغمى عليه
ناهد بنص عين :اول مره تكذبين ي مرام.
مرام بعد ماضحكت من قلب وبصوت خافت :
حرام عليك والله ظالمه نفسك ..

إبتسمت ناهد إبتسام خجوله وشربت رشفه من كاسة الشاي .


بعد الغدا
جلس بعض الضيوف شوي وبعضهم راح .
أم فارس وبناتها يلبسون العُبي
أم أحمد : نورتينا والله ي أم فارس
أم فارس : الدار منوره بهلها .. بيت عامر ان شاءالله
أم أحمد بإبتسامه لطيفه وخارجه من القلب : سعيده بجيتكم والله
أم فارس ردت عليها بإبتسامه خجوله :الله يسعد أيامك .
أم أحمد : ان شاء الله لكم زياره قريبه
أم فارس : الله يحييكم
مرام وهي مبسوطه : مع السلامه ي خاله.. ومشكوره
على تلبية الدعوه .
التفتت لناهد وأخواتها : مع السلامه ي بنات ..
من جد نورتونا
ناهد بإبتسامه خجوله : النور نورك حبيبتي ..
مع السلامه


/
فمجلس الرجال
راح الجميع ومابقي إلا حمد وموسى الي كان آخر حديثهم
موسى : الله يعيني عليه عمي هذا ماوراه الا المشاكل.
حمد : أهم شي انت لاتسمع له .. ياخي كلامه يسم البدن
انت الحمدلله طيب و تعرف تتصرف حتى لو ماتتذكر الماضي
موسى بإبتسامه : ماعليك لاتشيل هم ..
حمد ضرب بيده على كتف موسى : هذا موسى الي أعرفه ..
قوي مهما كانت الظروف
إبتسم موسى إبتسامه عريضه وقام : يالله نستاذن ..
وكثّر الله خيركم وأفراحكم
حمد : حياك الله يالغالي .. بيننا إتصال ان شاءالله
موسى : إن شاءالله


/
(فبيت أم فارس )
وهم داخلين البيت
مشاعل وهي تنفض يدها : يالله..
اليوم أحلى يوم من جا العيد
.. أيش مكان و ايش طعام وايش ناس .
ناهد : اذكري الله يابنت
مشاعل : انتي كيف تعرفتي على بنتهم ؟
مع نظره بنص عين : سبحان من جمّع !

ناهد طنشتها ودخلت الغرفه
كانت مرهقه غيّرت ملابسها ونامت
أم فارس وهديل ووائل كلهم دخلوا غرفهم وناموا
مشاعل رغم إرهاقها ورغبتها للنوم لقتها فرصه
انها تكلم سلطان .

تسللت مشاعل للغرفه وجلست فيها نصف ساعه
تتخيل
وتفكر بسلطان ولما تأكدت ان ناهد نامت
أخذت الجوال الي مخبيته
وراحت للمجلس


فالمجلس..

مشاعل اتصلت على سلطان وسكّرت
عشان هو يتصل عليها
هز الجوال وردت
مشاعل : الو
سلطان : الو وهلا ومرحبا .. كل عام وانتي بخير ياحبي

مشاعل تضحك بدلع : كل عام وانت بخير

سلطان : أفا عليك ي شعولتي وتقولين انك تحبيني!..
كذا؟كذا !؟
.. الي يحب يتغلى ويغيب !؟

مشاعل : واللهي يا سلطاني غصبً عني .. أختي الكبيره
جايه غصه ف حلقي ماني لاقيه فرصه أكلمك .

سلطان : كيف يعني تبيني اموت من شوقي ؟..
أبغى اكحل عيني بشوفتك
..شباك غرفتك دايماً مقفل واذا كان مفتوح ماشوفك تطلين
.. لازم تشوفين لي حل ياعصفورتي

مشاعل بغنج : خلاص بيبي .. تقدر تنظر لشباك مجلسنا
... من الحين.
سلطان بلهفه : الحين الحين !
مشاعل تضحك.
سلطان فتح شباكه ويناظر لكل شبابيك بيت مشاعل
يدورها.
مشاعل فتحت الشباك ووقفت قدامه بدون ماتبان للشارع
سلطان بعد ماشافها : هلأ هلأ بالزين
مشاعل بدلع حطت خصله من شعرها على فمها وضحكت من قلب .


/

/

إنتهت إجازة العيد

والي كان يتخللها الكثير من المواقف الجميله لعائلة مرام
رغم إخفاء أحاسيس الخوف بسبب حالة أم أحمد الصحيه


(العصر قبل الدوامات بيوم )

أم أحمد ومرام وأحلام فالصاله
مرام جالسه بين أمها وأختها وقدامهم اللآب توب
يتفرجوا على اليوتيوب ..

دخل عليهم أحمد : السلام عليكم
رفعت راسها ام احمد : وعليكم السلام
مرام رفعت راسها نظرت فيه وردت السلام ورجعت تتفرج
أحمد : وش عندكم
أم احمد : نتفرج على اليوتوب.. ها وصلت أختك للمطار؟
احمد : أيه وصلتها والحين طايره فالجو
ام احمد : الله يحفظها ويحفظ عيالها .. بشتاق لهم والله

رفعت راسها مرام : ي قلبي ي زياد كان يبكي مايبغى الرياض
لا وجنى تبكي معاه وهي ماتدري وش السالفه !!.

أحمد بعد ما ضحك : والله بشتاقلهم خصوصاً جوجو المشاغبه
الي حطت جوالي ف ابريق الشاي .

ام احمد مبتسمه : فداها هالنتفه
احمد : هه أخذت حقي منها.. والله جننتها فالمطار ههههه
مرام تضحك : حرام عليييك


/

ف بيت ام موسى

اندق باب البيت بشكل قوي
وفاء مرعوبه وبصوت عالي : يمه !!
سميه : بسم الله وش هالدق
دلال بخوف : مين الي يدق كذا ؟..
سميه اتصلي على امي وموسى .

سميه : لحظه لحظه اشوف مين.

راحت سميه ونظرت مع ناظور الباب
شافت عمها أبو وضاح
التفتت لأخواتها : هذا عمي ابو وضاح.

رغم انهم يكرهونه وعارفين انه مايجيب الا المشاكل
الى انهم ارتاحو شوي

فتحت سميه الباب : هلا عمي.

ابو وضاح بصوت ضخم : السلام عليكم
ودخل على طول للمجلس بدون ماتقول له سميه
تفضل .

لحقته سميه وقفت عند باب المجلس هي واخواتها
ابو وضاح واقف اخر المجلس وبصوت صارخ : وين موسى؟.

سميه : خرج .

ابو وضاح : طب نادوا أمكم
سميه : حتى أمي ماهي فيه.

ابو وضاح عصّب وقال : وين راحوا ؟؟
سميه : راحو مشوار ي عم .. وش بغيت منهم ؟؟

ابو وضاح نظر فيهم نظرة استحقار وطلّع جواله
إتصل على موسى بس موسى ما رد عليه
أنقهر ابو وضاح وطلع من المجلس متجه لباب الشقه
ولما وص أشر بصباعه للبنات : إسمعن
قولن لأمكن تقنع المتخلف ولدها يوكلني على كل شي ..
لايضيع حقكن يالخبلات
سميه ودلال ووفاء كاظمين الغيظ و ساكتات ،

خرج ابو وضاح
وسكّرت سميه الباب وقفلته : الله ياخذك ونرتاح منك
وفاء ودلال : آآآمين


/
(بيت أم فارس)

الساعه 9 مساءً

أم فارس تتفرج على أغنيه وطنيه فالتلفزيون
شافت لقطات حماسيه لجنود الوطن
وبكت تذكرت ولدها فارس،

مشاعل ووائل جالسين معها ومنسجمين عالأغنيه

طلعت ناهد من الغرفه متجهه للمطبخ
وقفت قدام الصاله تسمع الأغنيه وتناظر أمها واخوانها
لاحظت ناهد ان أمها تبكي
قرّبت منها وجلست قدامها
حطت يدها على كتفها : يمه ليش تبكين ؟

أم فارس بصوت حزين : إشتقت لفارس.

ناهد : خلاص ياامي باقي اسبوع
وبعدها يقدر يجي خميس وجمعه
أم فارس ترفع يدها وتدعي : يارب توفقه وتحفظه يارب .
ناهد : آمين .
التفتت ناهد لأختها مشاعل : مشاعل انتي ماعندك مدرسه بكره ؟
مشاعل وهي تنظر فالتلفزيون : ايه عندي .

ناهد قامت : طيب يالله قدامي ذاكري ورتبي جدولك ونامي.
مشاعل : ماعندنا شي اغلب المواد خلصناها ..
ختمنا خلااااااص

ناهد : طيب قومي قومي نامي ..ترى بكره بسويلك
جدول المواد الصعبه عشان نذاكرها سوا .

مشاعل : سهله والله سهله .. كل المواد سهله .

ناهد بصوت مرتفع : واضح مره ..
الشطاره بتطلع مع عيونك
.. إمشي إمشي قدامي.

قامت مشاعل بتأفف ومشت وراها ناهد
التفتت ناهد لوائل ويدها على خصرها : الأخ بيشوف الأخبار ؟

وائل نظر ف ناهد و حك راسه : لا خلاص بنام
ناهد : قدامي طيب .

ناهد وبصوت هادي لامها : تصبحين على خير يمه
أم فارس : وانتم من اهله يابنتي


/

يوم السبت أول يوم دوامات

إجتمعت فيه مرام مع صحباتها فالكليه
عيّدوا على بعض
و أخذوا جدول الإختبارات الي راح تبدأ من الأسبوع الجاي .
كان هذا اليوم مافي محاظرات فأغلب القاعات
فكانت الكليه تضج بأصوات البنات
البعض من الطالبات يصور فالمكتبه والبعض يكتب محاظراته الناقصه
والبعض يتمشى فالممرات و فالساحه
الخارجيه،

مرام وصحابتها قرروا يجلسوا
طول الوقت تحت الشمس الدافيه وفوق العشب الأخضر
كان معاهم ترمس قهوه وترمس شاي وكيس مليان
حلويات وشبسات
موضي وهي تفرش السجاد الكبير والخفيف بنفس الوقت :
يابنات اليوم بنفلّها .

البنات أيدوها متحمسين
ومضى الوقت كله لعب وضحك
حتى انتهى الدوام والي كان أخر يوم تحضر فيه مرام
وصحباتها قبل الاختبارات .

.


يتبع بإذن الله